දඹුල්ල ආර්ථික මධ්‍යස්ථානයේ ආරක්ෂාව සහ එහි සිදුවන අක්‍රමිකතා සොයා බැලීම සඳහා විශේෂ පොලිස් කණ්ඩායමක් යොදවා තිබේ.

ඒ සඳහා මේ මස පළමු වැනි දින විසි දෙනෙකුගෙන් යුත් පොලිස් නිලධාරීන් පිරිසක් අනුයුක්ත කර ඇති බව වාර්තා වේ.

මධ්‍යම පළාත් ජ්‍යෙෂ්ඨ නියෝජ්‍ය පොලිස්පති ගාමීණී නවරත්න මහතාගේ විශේෂ නියෝගයක් පරිදි මාතලේ ජ්‍යෙෂ්ඨ පොලිස් අධිකාරි තිලක් අබේසිරි මහතා විසින් මෙම පොලිස් කණ්ඩායම පත් කර තිබේ.

මෙම පොලිස් කණ්ඩායම මගින් දඹුල්ල ප්‍රදේශයේ වෙළඳසැල් සඳහා විශේෂ රථ වාහන සැලැස්මක් ද ක්‍රියාත්මක කිරීමට කටයුතු යොදා ඇති බව සඳහන් වේ.