හැටන් කලාප අධ්‍යාපන කාර්යාලය මගින් පාලනය වන ශාන්ත බොස්කෝ විද්‍යාලයේ පන්ති කිහිපයක සිසුන්ට අද නිවාඩු ලබා දී තිබේ.

විද්‍යාලයේ අවට මදුරු විශේෂයක් බෝ වී සිටීම හේතුවෙන් මෙම සිසුන්ට නිවාඩු ලබා දී ඇති බව අද දෙරණ වාර්තාකරු සඳහන් කරයි.

මහජන සෞඛ්‍ය පරීක්ෂකවරයාගේ නිර්දේශ මත එම මදුරු විශේෂය සඳහා කෘමි නාශක යෙදීම ද අද සිදු කර ති‍බේ.

කෙසේ වෙතත් පන්ති කිහිපයක් හැර පාසැලේ සෙසු පන්ති වල අධ්‍යයන කටයුතු සාමාන්‍ය පරිදි අද සිදු කෙරෙන බව ද අද දෙරණ වාර්තාකරු වැඩිදුරටත් කියා සිටියි.