කොළඹ පිහිටි ජාත්‍යන්තර පාසලක සිසුන් අතර බෙදාහරින ලද බවට වාර්තා වූ ලිංගික අධ්‍යාපනය පිළිබඳ පොත සම්බන්ධයෙන් බී වාර්තාවක් අද (08) බත්තරමුල්ල ළමා අධිකරණයට ඉදිරිපත් කරන බව ළමා ආරක්ෂක අධිකාරිය පවසයි.
මේ පිළිබඳව තවදුරටත් පරීක්ෂණ සිදුකෙරෙන අතර ඉදිරියේදී මේ පිළිබඳ පරීක්ෂණ කටයුතු ළමා හා කාන්තා කාර්යාංශයට පවරන බව එහි සභාපති නීතිඥ අනෝමා දිසානායක මහත්මිය සඳහන් කළාය.

ජාත්‍යන්තර පාසලක කුඩා දරුවන් අතර මෙවැනි පොතක් බෙදාහරින බවට ළමා ආරක්ෂක අධිකාරිය වෙත පසුගියදා වාර්තා වූ අතර ඒ සම්බන්ධයෙන් අධිකාරිය විසින් පරීක්ෂණ ආරම්භ කරන ලදී.