ශ්රී ලංකාවේ වේලාව සම්මත වේලාවක් බවට නිල වශයෙන් ගැසට් කිරීමට තීරණය කර ඇත. මිණුම් ඒකක, ප්රමිති හා සේවා දෙපාර්තමේන්තුව මේ පිළිබඳ සියලු කටයුතු සිදු කරයි.
සම්මත වේලාව ගැසට් කිරීම හා මේ පිළිබඳව පවතින තත්ත්වය පිළිබඳ මිනුම් ඒකක ප්රමිති හා සේවා දෙපාර්තමේන්තුවේ අධ්යක්ෂ, කේ. ප්රේමසිරි කුමාර මහතා සමඟ රජයේ නිල පුවත් වෙබ් අඩවිය සිදුකළ අඳහස් විමසීම මෙසේ සටහන් කෙරේ.
'වේලාව' ලෝකයේ මිනිය හැකි රාශීවලින් ඉතා නිවැරදි ව මිනිය හැකි රාශියකි. දැනට පවතින වේලාව, ගැසට් කරන වේලාව අතර බරපතල වෙනසක් සිදුවන්නේ නැත.
එහෙත්, 1995 අංක 35 දරණ මිනුම් ඒකක ප්රමිති හා සේවා පනතට අනුව ශ්රී ලංකාවේ මිනුම් සම්බන්ධ සියලු පාලනය සිදු කරන්නේ මෙම මිනුම් ඒකක, ප්රමිති හා සේවා දෙපාර්තමේන්තුව මඟිනි.
ලෝකයේ ''ග්රිනිච්'' නමින් සම්මත වේලා ක්රමයක් භාවිත කෙරේ. එය ලෝකය සාමාන්ය මධ්යම රාත්රිය බිංදුව යැයි සලකා, ලෝකය තලයක් ලෙස ගෙන එය වමට හා දකුණට අඩු වන හා වැඩි වන පිළිවෙළට සිදුකරන බෙදීමක් අනුව වේලාව ගණනය කර තිබේ. ඒ අනුව ලොව මෙම වේලාවට සාපේක්ෂ ව සම්මත වේලාවන් හා කලාප වශයෙන් වේලාවන් සකස් කර ගෙන තිබේ.
එය මීට වඩා විද්යානුකූල ව හා තාක්ෂණික ව ජාතික මිනුම් පර්යේෂණාගාර එකතු වී ලොව එක ම වේලාවකට එකතු කර ගැනීමට කටයුතු කර තිබේ. ඒ අනුව දවසේ ගතවන පැය 24 වේලාව සම්මතයක් ලෙස එක මට්ටමකට පවත්වාගෙන යාමට පියවර ගෙන තිබේ. මේ ක්රමය තුළ මෙම සම්මත වේලාව යන සංකල්පය ඉදිරිපත් වී ඇත.
නීත්යානුකූලව වේලාව විකාශනය කිරීමේ අවශ්යතාව කලක සිට අවශ්ය වී තිබුණි. එය සිදු කිරීමට ප්රධාන වශයෙන් උපකරණවල අවශ්යතාව හා නීත්යානුකූල කිරීමට අවශ්ය වන නියෝග සැදීම අවශ්ය ව තිබුණි.
1995 අංක 35 දරණ මිනුම් ඒකක ප්රමිති හා සේවා පනත යටතේ නියෝග සැදීම හා උපකරණවලින් සියයට 75%ක් ලබා ගැනීමට හැකියාව ලැබී තිබේ. අවශ්ය රෙගුලාසි සකස් කොට අවසන් වූ පසු සම්මත වේලාව වසර 2011 ජනවාරි 01 සිට ශ්රී ලංකාවේ සම්මත වේලාව බවට විකාශය කිරීමට කටයුතු කළ හැකිය.
වේලාව නිවැරැදි ව ගණනය කළ යුතුයි. එය විද්යාත්මක ව හා තාක්ෂණික වශයෙන් සිදු කිරීම අත්යාවශ්යයි. විශේෂයෙන් දුරකථන සන්නිවේදනයේ දී එය ඉතා වැදගත් වෙයි. උදාහරණයක් ලෙස, දුරකතනයක වේලාව වැරදි ලෙස සටහන් කෙරෙන වේලා උපකරණයක් තිබේ නම් එමඟින් ඇතැම් විට ව්යාපාරිකයාට හා පාරිභෝගිකයාට ආවාසියක් සිදුවිය හැකි ය.
තවත් හඳුනාගත් ගැටළුවක් වන්නේ විද්යුත් මාධ්ය තම ''පීක් අවර්ස්'' හී දී උදාහරණයක් ලෙස රාත්රී පුවත් වේලාවේ දී තප්පර කිහිපයක් කලින් විනාඩි කිහිපයක් කලින් වේලාව සකස් කොට ප්රචාරය සිදු කරන බවට ආරංචි ලැබී තිබේ. ඇතැම් චැනල
ග්රාහකයා තම නාලිකාවට කල් ඇති ව රඳවා තබා ගැනීමේ උපක්රමයක් ලෙස මෙවැනි ක්රම භාවිත කරයි. මෙය තරගයක් නිසා ඇති ව තිබෙන තත්ත්වයකි. එහෙත් මෙහි බරපතල තත්ත්වය වන්නේ අවසානයේ දී නිවැරදි වේලාව කුමක් ද යන්න පිළිබඳ ව ගැටළුවකට පත් වීමයි. ඒ නිසා මෙවැනි ක්රමවේද නිවැරදි කිරීමට බලාපොරොත්තු වෙයි.
මෙය අප විසින් කළ යුතු යුතුකමකි. මෙය රටේ සංවර්ධනය සඳහා විශාල දායකත්වයක් සපයයි. නීත්යානුකූල ව වේලාව විකාශනය කිරීම ආරම්භ කරන විට විද්යුත් නාලිකා හා දුරකතන ආයතනවලට මිනුම් ඒකක, ප්රමිති හා සේවා දෙපාර්තමේන්තුව විසින් නිකුත් කරන වේලාව භාවිත කරන ලෙස උපදෙස් ලබා දීමට නියමිත ය. ඒ අනුව එම වේලාව අනුව එම ආයතන කටයුතු කළ යුතු ය.
මෙම සම්මත වේලාව ජාත්යන්තර ගුවන් ගමන්වල දී බලපෑමක් සිදු කරන්නේ නැත. එය සමස්ත සමාජ ක්රියාවලියට බරපතළ බලපෑමක් සිදු කරන්නේ ද නැත. වෙළෙඳපොළ තුළ හා මාධ්ය ආයතන මඟින් සිදු කරන වේලාව සම්බන්ධ ගැටළු නිවැරදි කිරීම මෙහි මූලික අරමුණ වී තිබේ.
ජ්යොතිෂ්ය කටයුතුවලට මින් බලපෑමක් ඇති නො වේ. මෙය විද්යාත්මක හා තාක්ෂණික භාවිතයක් පමණයි. ජ්යොතිෂ්ය සිදුකරන්නේ ඔවුන්ගේ සම්මත ක්රමවේද අනුව ය. ඔවුන්ට කැමති ලෙසකින් භාවිත කළ හැකියි. එයට ලෝක සම්මත ක්රම පවති. සම්මත වේලාව පිළිබඳ ව අන්තර් ජාතික බලපෑමක් එල්ල වී නැත.
අප විසින් හඳුනාගත් ගැටළු නිරාකරණය කර ගැනීමට මෙම වැඩපිළිවෙළ ක්රියාත්මක කෙරේ. මෙම ක්රමවේදය ජනමාධ්ය මඟින් ක්රියාත්මක කිරීම තුළ නිවැරදි කාලය කුමක් ද යන්න ජනතාවට දැන ගැනීමට අවස්ථාව උදාවෙයි.
ජනාධිපතිතුමාගේ උපදෙස් පරිදි මෙම වැඩපිළිවෙළ මෙම වසරේ අවසන් කිරීමට උපදෙස් ලැබී තිබේ. මේ වනවිට අදාළ කටයුතු සිදු කරමින් පවතින අතර ලබන ජනවාරි සිට සම්මත වේලාව ක්රියාත්මක කිරීමට නියමිත ය.
රෝබිඩියම් පරමාණුක ඔරලෝසුව මඟින් ලෝකයේ ජී.පී.එස්. (GPS) මඟින් ගෝලීය ගණනය කිරීම ඇමෙරිකාවේ පිහිටි එන්.අයි.එස්.ටී. ආයතනය මඟින් නිකුත් කරන කාල සංඥා පසු තත්පරයට යාවත්කාලින කරනු ලැබේ. ජාත්යන්තරව ලබා ගන්නා එම වේලාව ශ්රී ලංකාව වෙත ලබා දීම සිදු කරයි.
පළමු අදියරේ වැඩකටයුතු මේ වනවිට අවසන් වී ඇත. මෙම නව වැඩපිළිවෙළ යටතේ ගුවන් විදුලි තරංග මඟින් වේලාව දැනගැනීමට සැලැස්වීම, ජංගම දුරකතන මඟින් ශ්රී ලංකාවේ ඕනෑ ම තැනක සිට වේලාව නිවැරදි ලෙස ලබා ගැනීමට ජංගම දුරකතන සේවාවක් ආරම්භ කිරීම යනා දී ජනතාවට වැදගත් පියවර රැසක් ඉදිරියේ දී ක්රියාත්මක කෙරෙනු ඇත.
Archives
-
▼
2010
(102)
-
▼
November
(39)
- විදෙස් රැකියා උප ඒජන්තවරුන්ට අලුත් ජොබ් එක
- 2011 දී ජපන් සංචාරකයින් ලක්ෂයක් දිවයිනට
- ඇඟලුම් අපනයනකරුවන්ගේ වාර්ෂික සමුළුව අද
- උදුල්ට ඇප නෑ-ඇප දෙන්න බලයක් නෑ
- උතුරු ප්රදේශයේ සීඝ්රයෙන් සිදුවන සංවර්ධනය
- උතුරු-නැගෙනහිර
- ඉහළ කොත්මලේ
- ශ්රී ලංකාවේ වාර්ෂික සීනි අවශ්යතාවෙන් සියයට පනහක්...
- ශ්රී ලංකාවේ පලතුරු නිෂ්පාදනය හා වෙළෙඳපොළ පිළිබද ව...
- ආඝාතයේ ඊළඟ ගොදුර ඔබ විය හැක
- ශ්රී ලංකාවේ සම්මත වේලාව සංවර්ධනයට ප්රවේශයක්.
- ජර්මන් පාර්ලිමේන්තු කණ්ඩායම විදේශ ඇමති හමු වේ
- මඩකලපුව පවුල් 100කට වන්දි
- ජාල් සුළි කුණාටුවෙන් ලංකාවට බලපෑමක් නෑ
- අත්යන්ත්ර පේෂ කර්මාන්ත ජාතික ප්රදර්ශනය හා තරගය 2...
- මාදු ගඟේ මසුන් වගාවට පියවර
- ජාතික ජනමාධ්ය සමුළුව හෙට සහ අනිද්දා
- එක්දින ශ්රේණිගත කිරීම්වල දී දෙවැනි තැන ශ්රී ලංකාව
- ජාත්යන්තර පාසලේ පොත ගැන බී වාර්තාවක් අධිකරණයට
- නැඟෙනහිරට ආගමික ප්රාදේශීය කාර්යාලය
- යෝජිත හෙද වර්ජනය පිළිකුලෙන් හෙළා දකිනවා රාජ්ය සේව...
- යොවුන් ඡන්දයට 1934ක් නාමයෝජනා භාර දෙ
- මෙක්සිකෝවේ දී ඊයේ (08) ආරම්භ වූ ‘සංචරණ සහ සංවර්ධන...
- සිසුන් අතර බෙදූ පොත ගැන වාර්තාවක් ළමා අධිකරණය
- රිමාන්ඩ් භාරයේ පසුවූ සරසවි සිසුන් 21 දෙනා ඇප මත නි...
- ජාතික රෝහලේ ප්රතිකාර ලැබූ නිලධාරීන් 11ක් පොලිස් රෝහල
- වැලිකඩ බන්ධනාගාරය
- ඉන්ෆ්ලුවෙන්සා ඒ.එච්.වන්.එන්.වන් රෝගීන් 35 දක්වා ඉහ...
- රජයේ හෙද නිලධාරීන්ගේ සංගමයෙන් වෘත්තීය සමිති ක්රිය...
- ජනාධිපති මහින්ද රාජපක්ෂ
- සුදු කොඩි
- ඉහළ කොත්මලේ උමං මග ජනපති අතින් විවෘත වෙයි
- ඉඩම් අයිති ආණ්ඩුවටයි-ජන සංයුතිය අදාළ නෑ
- Print this articlePrint this එක්සත් ජාතීන්ගේ නවතම...
- Print this articlePrint this එක්සත් ජාතීන්ගේ නවතම...
- ප්රවාහන සේවය
- හැටන් පාසල් වලට මදුරුවන්ගෙන් නිවාඩු
- දඹුල්ල ආර්ථික මධ්යස්ථානයට විශේෂ පොලිස් ආරක්ෂාවක්
- මාතලේ රෝහලේ මානසික රෝගි ඒකකය වැසීම ගැන විමර්ශනයක්
-
▼
November
(39)
Followers
Pages
About Me
Powered by Blogger.