රජය ඉදිරි සංවර්ධන කටයුතු සැලසුම් කිරීමේදී හා ක්‍රියාත්මක කිරීමේදී නවක පාර්ලිමේන්තු මන්ත්‍රීවරුන්ගේ සහයෝගය අපේක්ෂා කරන බව ජනාධිපති මහින්ද රාජපක්ෂ මහතා පවසයි.

නවක මන්ත්‍රීවරුන්ගේ අදහස් හා යෝජනා පිළිබඳ විශේෂ සැලකිල්ලක් දක්වන බව අරලියගහ මන්දිරයේ දී නවක මන්ත්‍රීවරුන් හා ජනාධිපතිවරයා අතර පැවති හමුවකදී හෙතෙම සඳහන් කර තිබේ.

ඉදිරියේදී ක්‍රියාත්මක කිරීමට නියමිත සංවර්ධන සැලසුම් පිළිබඳ නවක මන්ත්‍රීවරුන් දැනුවත් කිරීම සඳහා මෙම හමුව පැවැත්වුණු බව සඳහන් වේ.

මෙහිදී ඉදිරිපත් වූ නවක මන්ත්‍රීවරුන්ගේ අදහස් හා යෝජනා පිළිබඳ සැලකිල්ලක් දක්වා සැලසුම් සකස් කරන ලෙස ජනාධිපතිවරයා මුදල් අමාත්‍යංශයේ ලේකම්වරයාට දැනුම් දී ඇත.