මාතලේ මහ රෝහලේ මානසික රෝගි ඒකකය තාවකාලිකව වසා දැමීම පිළිබදව විශේෂ විමර්ශනයක් ආරම්භ කිරීමට තීරණය කර තිබේ.
පළාත් ප්‍රධාන අමාත්‍ය සරත් ඒකනායක මහතා පැවසුවේ, එවැනි තත්ත්වයක් ඇති වීමට බලපෑ හේතු සොයා ඊට කඩිනමින් විසදුම් ලබා දෙන බවය.

මාතලේ මහ රෝහලේ මානසික රෝගි ඒකකය පසුගිය බදාදා තාවකාලිකව වසා දැමුණි.

මානසික රෝගී ඒකකයේ කිසිදු හෙද හෙදියකු සේවයට වාර්තා නොකිරීම ඊට හේතුව විය.

පවතින තත්ත්වය හමුවේ රෝහලේ ප්‍රතිකාර ලබමින් සිටි මානසික රෝගීන් 13 දෙනෙකු මහනුවර මහ රෝහල වෙත මාරු කර යැවූ බව එහි රෝහලේ විශේෂඥ වෛද්‍ය එස්.එස්.අයි.එච්.ඒ.එන්. ෂෙහාන් මහතා පැවසීය.